બોલિવૂડ એક્ટ્રેસ ઉર્મિલા માતોંડકર છેલ્લા કેટલાક દિવસો થી ચર્ચા માં છે. તેમના શિવસેના માં જોડાવા ના સમાચાર છે. છેવટે, તે મહારાષ્ટ્ર ની શાસક પક્ષ શિવસેના માં જોડાઇ છે. રાજ્ય ના મુખ્યમંત્રી ઉદ્ધવ ઠાકરે ની હાજરી માં તેઓ પાર્ટી માં જોડાયા હતા. એક સમયે બોલિવૂડ પર રાજ કરનારી ઉર્મિલા માતોંડકર હવે રાજકારણ માં પોતાનું ધ્યાન કેન્દ્રિત કરી રહી છે. તો ચાલો આ આર્ટીકલ માં તેની અત્યાર સુધી ની યાત્રા પર એક નજર કરીએ.
બાળ કલાકાર તરીકે ઉર્મિલા માતોંડકરે ફિલ્મ જગત માં પ્રવેશ કર્યો. તેમણે સૌ પ્રથમ 1980 માં શ્રીરામ લગૂ ની મરાઠી ફિલ્મ ‘જેકોલ’ માં કામ કર્યું હતું. તે સમયે તે છ વર્ષ ની હતી. તેમને 1983 માં આવેલી ફિલ્મ ‘માસૂમ’ થી મોટી ઓળખ મળી. ફિલ્મ માં ‘લકડે કી કાઠી, કાઠી પે ઘોડા’ ગીત સુપરહિટ હતું.
View this post on Instagram
ઉર્મિલા માતોંડકરે મુખ્ય અભિનેત્રી તરીકે 1989 માં મલયાલમ ફિલ્મ ‘ચાણક્યન’ કરી હતી. એમના વિરુદ્ધ કમલ હાસન હતો. ફિલ્મ સુપરહિટ હતી. હિંદી માં હિરોઇન તરીકે તેણે પહેલી ફિલ્મ ‘નરસિંહા’ હતી. રામ ગોપાલ વર્મા ની ‘રંગીલા’ ઉર્મિલા ની કારકિર્દી માટે એક સીમાચિહ્નરૂપ સાબિત થઈ. આ પછી ઉર્મિલા ‘રંગીલા ગર્લ’ બની.
ઉર્મિલા માતોંડકર ની તસવીર એક બોલ્ડ અભિનેત્રી ની છે. તેમણે એક કરતા વધારે ઉત્તમ ફિલ્મ આપી છે. આમાં ‘સત્ય’, ‘રેસ’, ‘કૌન’, ‘મસ્ત’, ‘જંગલી’, ‘પ્યાર તુને ક્યા કિયા’, ‘જુદાઇ’, ‘ભૂત’, ‘પિંજર’ અને ‘એક હસીના થી’ શામેલ છે. તે છેલ્લે 2018 ની ફિલ્મ ‘બ્લેકમેલ’ માં સ્ક્રીન પર જોવા મળી હતી જેમાં તેણે એક આઈટમ નંબર કર્યો હતો.
2016 માં, ઉર્મિલા એ કાશ્મીર ના એક મોડેલ અને ઉદ્યોગપતિ મોહસીન અખ્તર મીર સાથે લગ્ન કર્યા. 2019 ની લોકસભા ની ચૂંટણી માં ઉર્મિલા રાજકારણ ના ક્ષેત્ર માં ઉતરી અને કોંગ્રેસ માં જોડાઈ. તેણી એ મુંબઇ ઉત્તર બેઠક પર થી પણ ચૂંટણી લડી હતી પણ હારી ગઈ હતી. કોંગ્રેસ પાર્ટી માં જૂથવાદ હોવાનો આક્ષેપ કરતાં ઉર્મિલા એ તરત જ રાજીનામું આપ્યું હતું. હવે તે નવી ઇનિંગ રમવા માટે શિવસેના માં જોડાવા તૈયાર છે.
