બોલિવૂડ ની સુપરહિટ ફિલ્મ રહી ચુકેલી ‘પુકાર’ ને દર્શકો આજ સુધી ભૂલી શક્યા નથી, આ ફિલ્મ 18 નવેમ્બર 1983 ના રોજ રિલીઝ થઈ હતી જેને આજે 38 વર્ષ પૂરા થયા છે. અમિતાભ બચ્ચન ની સાથે રણધીર કપૂર, ઝીનત અમાન અને ટીના મુનીમ જેવા મોટા સ્ટાર્સ હતા. આ ફિલ્મ રમેશ બહલે ડિરેક્ટ કરી હતી, જે તે સમયની શ્રેષ્ઠ ફિલ્મો માંની એક હતી અને બોક્સ ઓફિસ પર પણ સુપરહિટ સાબિત થઈ હતી. ઘણીવાર, ફિલ્મોના શૂટિંગ દરમિયાન, સ્ટાર્સના અંગત જીવન માં કેટલીક ઘટનાઓ બને છે, જેના કારણે એમની સાથે જોડાયેલી અજાણી વાતો ને થ્રોબેક સ્ટોરી કહેવામાં આવે છે. આ ફિલ્મ ના શૂટિંગ દરમિયાન પણ કેટલીક એવી રોચક ઘટનાઓ સામે આવી છે જે આપણ ને ન ઈચ્છવા છતાં પણ હસાવી દે છે. આવો તમને ફિલ્મ ‘પુકાર’ નો એક રમૂજી કિસ્સો જણાવીએ.
ઘણીવાર જોવા મળે છે કે શૂટિંગ દરમિયાન ફિલ્મ સ્ટાર્સ પોતાના બાળકોને સેટ પર સાથે લઈ જાય છે. આવું જ કંઈક ફિલ્મ ‘પુકાર’ ના શૂટિંગ દરમિયાન થયું હતું જ્યારે રણધીર કપૂર તેની પુત્રી કરીના કપૂર ને ફિલ્મ ના શૂટિંગ પર સાથે લઈને ગયા હતા. તે દિવસો માં કરીના કપૂર માત્ર 3 થી 4 વર્ષ ની હતી, જેને પાપા રણધીર સેટ પર લઈ ગયા હતા. એ પણ યોગાનુયોગ હતો કે એ દિવસે અમિતાભ બચ્ચન અને રણધીર કપૂર ની લડાઈ નો એક સીન ફિલ્માવવા નો હતો. આવી સ્થિતિ માં ડિરેક્ટરે ઈશારો કરતા જ અમિતાભે રણધીર પર હુમલો કર્યો હતો. પરંતુ નિર્દોષ કરીના ને આ વાત સાચી લાગી અને તે જોર જોરથી રડવા લાગી અને પોતાના પિતા ને બચાવવા દોડી ને અમિતાભ બચ્ચન પાસે ગઈ.
રડતી નાની કરીના કપૂરે તે સમયે અમિતાભ બચ્ચન ના પગ પકડી લીધા અને તે માત્ર એક જ વાત કહી રહી હતી કે, ‘કૃપા કરીને મારા પિતા ને ન મારશો.’ એ જ માસૂમ કરીના ની એક્શન જોઈને સેટ પર હાજર બધા હસી પડ્યા. આટલું જ નહીં પરંતુ આ સંઘર્ષ માં પિતા ને બચાવવા પહોંચેલી કરીના કપૂર ને પણ પગમાં ઈજા થઈ હતી, જે બાદ અમિતાભે તેને પ્રેમ કરતાં તેની ઈજા પર મલમ લગાવ્યું હતું. આ રસપ્રદ કિસ્સો તાજેતર માં અમિતાભ બચ્ચને પોતે શેર કર્યો હતો અને જણાવ્યું હતું કે તે સમયે તેણે નાની કરીના કપૂર ને કેવી રીતે પ્રેમ થી સંભાળી હતી.
તે જ સમયે, આ ફિલ્મ સાથે જોડાયેલી એક અન્ય ઘટના ખૂબ જ લોકપ્રિય છે. ખરેખર, આ ફિલ્મના શૂટિંગ સમયે અભિષેક ની ઉંમર 5 થી 6 વર્ષ ની હતી, આ દરમિયાન તે પણ શૂટિંગ જોવા માટે સેટ પર પહોંચી ગયો હતો. સીન માટે ત્યાં એક નકલી તલવાર રાખવા માં આવી હતી, જેને જોઈને અભિષેક બચ્ચન ખૂબ જ ખુશ થઈ ગયો અને તેણે તે તલવાર થી રમવાનું શરૂ કર્યું. પરંતુ તેમની નિર્દોષતા માં તલવાર તૂટી ગઈ. જ્યારે ક્રૂઝ ને આ વાતની જાણ થઈ તો તેણે તરત જ અભિષેક બચ્ચન ને સેટ ની બહાર હોટેલ પરત મોકલી દીધો. આ વાત નો ખુલાસો પોતે અભિષેક બચ્ચને એક ઈન્ટરવ્યુ દરમિયાન કર્યો હતો.
