- આદિપુરુષ પોસ્ટર વિવાદ: સુપરસ્ટાર પ્રભાશ અને બોલિવૂડ અભિનેત્રી કૃતિ સેનનની આગામી ફિલ્મ આદિપુરુષનું નવું પોસ્ટર રામ નવમીના અવસર પર રિલીઝ કરવામાં આવ્યું છે. ફિલ્મના ટીઝર બાદ હવે પોસ્ટરને લઈને પણ નવો હંગામો થયો છે. આ પોસ્ટરને જોઈને ફેન્સ મેકર્સની ક્લાસ લઈ રહ્યા છે.
આદિપુરુષ પોસ્ટર વિવાદ: બાહુબલી સ્ટાર પ્રભાસ અને બોલિવૂડ અભિનેત્રી કૃતિ સેનનની આગામી ફિલ્મ આદિપુરુષનું નવું પોસ્ટર રામ નવમીના અવસર પર રિલીઝ કરવામાં આવ્યું છે. ફિલ્મના ટીઝર બાદ હવે પોસ્ટરને લઈને પણ નવો હંગામો થયો છે. આ પોસ્ટરને જોઈને ફેન્સ મેકર્સની ક્લાસ લઈ રહ્યા છે. ફિલ્મના ટીઝરમાં ચાહકોએ પ્રથમ ફિલ્મમાં રાવણ અને હનુમાનજીના લુક સામે વાંધો ઉઠાવ્યો હતો. જે બાદ હવે પોસ્ટરમાં માતા સીતાનો લુક પણ લાઈમલાઈટમાં આવી ગયો છે. ફિલ્મનું આ નવું પોસ્ટર જોયા બાદ ફરી એકવાર આદિપુરુષના મેકર્સ પર સોશિયલ મીડિયા યુઝર્સનો ગુસ્સો ફાટી નીકળ્યો છે. આ પોસ્ટરમાં માતા સીતાની માંગમાં સિંદૂર દેખાતું નથી. જે બાદ આ ફિલ્મને લઈને સોશિયલ મીડિયા પર નવા વિવાદે જન્મ લીધો છે. ચાલો આ પોસ્ટર પર એક નજર કરીએ.
માતા સીતાની માંગ માં સિંદૂર ગાયબ છે
હિંદુ ધાર્મિક વિધિઓમાં પરિણીત મહિલા માટે સિંદૂર ખૂબ જ મહત્વપૂર્ણ માનવામાં આવે છે. આદિપુરુષ ફિલ્મ જે ધાર્મિક ગ્રંથ રામાયણ પર બની રહી છે. જેના કારણે ફેન્સને મેકર્સ પાસેથી ઘણી અપેક્ષાઓ છે. ફિલ્મના આ નવા પોસ્ટરમાં મા સીતાની માંગમાં સિંદૂર દેખાતું નથી, જેના પર ચાહકો વાંધો ઉઠાવી રહ્યા છે. હાલમાં જ આદિપુરુષનું ટીઝર રિલીઝ થયા બાદ આ ફિલ્મ ખૂબ જ વિવાદમાં આવી હતી. સોશિયલ મીડિયા પર ફિલ્મનો બહિષ્કાર કરવાની આખી ઝુંબેશ પણ શરૂ કરવામાં આવી હતી.
આદિપુરષ નું ફિલ્મના ટીઝરમાં રાવણ અને હનુમાનના લુકની સરખામણી મુઘલો સાથે કરવામાં આવી હતી. આ જ કારણ છે કે ફિલ્મની રિલીઝ ડેટ પણ આગળ વધારવામાં આવી હતી. હવે રામ નવમીના અવસર પર આદિપુરુષનું નવું પોસ્ટર સોશિયલ મીડિયા પર રિલીઝ કરવામાં આવ્યું હતું, જેના પછી તરત જ વધુ એક નવો વિવાદ ઊભો થયો છે. હવે જોવાનું એ રહેશે કે શું તે 16 જૂન, 2023ના રોજ ફિલ્મની રિલીઝ પહેલા કોન્ટ્રોવર્સી ફિલ્મનો પીછો છોડશે કે નહીં.
